کراچی (این این آئی)صوبہ سندھ آج کے زمانے میں بہت پیچیدہ دور سے گذر رہا ہے سندھ کی حکومت صوبہ سندھ کی خدمت کے نام پر عوام کو مشکل دور میں دھکیل رہے ہیںجس کی وجہ سے وطن عزیز پاکستان تباہی کی جانب بڑھ رہا ہے ڈالر کی قیمت میں اضافہ ہونا کوئی ملک کی خدمت کرنا نہیں کہلاتا ۔

ان خیالات کا اظہار تحریک جوانان پاکستان کے چیئرمین عبداللہ حمید گل نے کلفٹن کے مقامی ہوٹل میں منعقدہ تقریب سے خطاب کرتے ہوئے کیا۔انہوں نے کہا کہ ڈالر کی بڑھتی ہوئی قیمت روپے کی قدر کو گرا رہی ہے اگر یہ ملک کی خدمت کرنا ہوتا تو میں آپ کو نااہل قرار دیتا ہوں۔ وطن عزیز پاکستان میں حکومت کرنے کا شوق ہے لیکن اپنی جیب سے اس ملک پر کوئی وزراء ایک روپیہ بھی لگانے کو تیار نہیں اور اپنے اخراجات بھی سرکاری خزانے سے پورے کرتے ہیں۔ ان کا کہنا تھا کہ میں نے سندھ کا صدر محمد ساجد کو منتخب کیاہے کیوں کہ میں ان کی خدمات سے بھی واقف ہوں اور امید کرتا ہوں کہ تحریک جوانان پاکستان پارٹی کا مستقبل بہت عمدہ ہوگا۔تحریک جوانان پاکستان سندھ کے صدر محمد ساجد نے کہا کہ ملک میں مہنگائی 2 طریقے سے کی جارہی ہے پنجاب میں آٹے کی قیمتوں میں سبسڈی دی جاتی ہے اور سندھ کے تمام شہروں میںنہیں۔ جبکہ پورے پاکستان میں سب سے زیادہ ٹیکس دینے والا شہر کراچی ہے اور وفاقی اداروں کی جانب سے سندھ میں رہنے والوں کو کسی قسم کا ریلیف ہی نہیں دیا جارہا ہے مسلسل مہنگائی سے ہماری معیشت تباہ ہورہی ہے

بے روزگاری بڑھ رہی ہے جو پاکستان کی خدمت کرنا نہیں کہلاتا۔ایڈوکیٹ لطیف بلوچ نے کہا کہ شرکاء کو یہاںدعوت دینے کا مقصد تنظیم سازی کرنا ہے

اور اس طرح کی نشستیں آگے بھی جاری رہیں گی کیوں کہ پاکستان کی خدمت کرنا آ پ کی ذمہ داری ہے جس کے لیے میں نے عبداللہ حمید گل کی پارٹی میں شمولیت اختیار کی

میری اولین ترجیحات میں شامل ہے کہ تعلیم یافتہ معاشرہ بنانا ہے تعلیم کا رجحان بڑھے گا تو نوجوان پاک دامن سیاست کی طرف بڑی تیزی سے آسکیں گے

جس کے لیے آج آپ کو ہم نے یہاں جمع کیا ہے ۔ تقریب کے اختتام پرایڈوکیٹ لطیف بلوچ شرکاء سے اظہار تشکر کیا ۔