اسلام آباد (این این آئی)سعودی عرب کی طرف سے عازمین حج کے کرونا ٹیسٹ کی سرکاری رپورٹس تسلیم کرنے سے انکار کر دیا گیا ۔ ذرائع وزارت مذہبی امور کے مطابق وزارت مذہبی امور نے سرکاری لیبارٹریز سے کرونا ٹیسٹ رپورٹس سرکاری خرچ پر کرانے کی تجویز دی تھی ۔ ذرائع کے مطابق وزارت مذہبی امور عازمین حج کو سرکاری کرونا رپورٹس سے اخراجات سے بچانا چاہتی تھی ،سعودی عرب نے چھ نجی لیبارٹریز سے کرونا رپورٹس لازمی قرار دے دیں ،اب ہر عازم حج کو 4250روپے کرونا ٹیسٹ فیس پیکیج سے الگ دینا ہوں گے ،پاکستان کے 81ہزار 210عازمین حج کی جیبوں سے 34کروڑ اکیاون لاکھ بیالیس ہزار پانچ سو روپے حج پیکیج کے علاوہ نکل جائیں گے ،کرونا ٹیسٹ رپورٹ بھی 48کی بجائے72گھنٹے پہلے کی ہونا لازمی قراردے دی گئی۔