اسلام آباد (این این آئی)وفاقی حکومت نے کھاد کی قیمت میں کمی کا نوٹیفکیشن واپس لے لیا۔اعلامئے کے مطابق کھاد کی قیمت مقررکرنے کا نوٹیفکیشن واپس لینے کا اطلاق فوری ہوگا،کھاد کی قیمت مقرر کرنے کا نوٹیفکیشن واپس لینے کیلئے ایس آر او جاری کردیاگیا ہے۔جاری اعلامئے میں کہا گیا تھا کہ کھاد کے 50کلو تھیلے کی ریٹیل قیمت 1768روپے مقرر کی گئی تھی جس کا اطلاق فوری طور پر اور 7جولائی 2022تک کیا گیا تھا۔حکومت نے گزشتہ ہفتے کھاد کی سرکاری سطح پر قیمت مقرر کی تھی اور قیمت میں 389روپے تک کمی کی گئی تھی۔حکومت کی طرف سے نوٹیفکیشن واپس لینے کے بعد اب کھاد کا 50کلو کا تھیلا اب پرانی قیمت پر ہی مل سکے گا۔