نیویارک (این این آئی)ہالی ووڈ سپر اسٹار ڈوین جانسن المعروف دا راک نے انکشاف کیا ہے کہ ان کی بیٹی اپنی پسندیدہ فلم میں ان کی آواز نہیں پہچان سکی۔

بیٹی کے ساتھ اپنے خوبصورت لمحات کو شیئر کرتے ہوئے دا راک نے تحریر کیا کہ والد اور بیٹی کی یہ چائے کی پارٹی ان لمحات میں سے ہیں جہاں زندگی کو حقیقی زاویے میں ڈالا جاسکتا ہے

۔فوٹوز اینڈ ویڈیوز شیئرنگ ایپ انسٹاگرام پر ڈوین جانسن نے ایک ریل شیئر کی جس میں انہیں ان کی بیٹی کے ساتھ بیٹھے ہوئے دیکھا جاسکتا ہے۔

ساتھ میں انہوں نے اپنی پوسٹ میں انکشاف کیا کہ اس بچی نے یہ بات ماننے سے ہی انکار کردیا تھا کہ میں نے اس کی پسندیدہ ڈزنی فلمز میں سے فلم کے کردار کے لیے آواز دی تھی۔ انہوں نے کہا کہ میری بیٹی کہتی ہے کہ آپ ماؤئی نہیں ہیں، آپ تو دا راک ہیں۔

خیال رہے کہ ڈزنی مویز کی اینیمیٹڈ فلم موانا میں ڈوین جانسن نے ماؤئی کا کردار نبھایا تھا۔