لاہور( این این آئی )پی آئی اے نے حج آپریشن برائے سال 2022 کرائے اور قواعد و ضوابط جاری کر دئیے۔پی آئی اے نے حج آپریشن پروازوں کے کرائے نارتھ اور سائوتھ ریجن کے تحت مقرر کردئیے ۔

کرائے کی امریکی ڈالر کی کرنسی کے مساوی پاکستانی روپوں میں ادائیگی کرنا ہوگی ۔کوئٹہ کراچی پر مشتمل سائوتھ ریجن سے پیک سیزن کم سے کم 810 ڈالر اور زیادہ سے زیادہ 1100 ڈالر کے مساوی کرایہ مقرر کیا ہے ۔لاہور، اسلام آباد، ملتان، پشاور پر مشتمل نارتھ ریجن کے لیے کم سے کم 860 ڈالر اور زیادہ 1150 ڈالر کے مساوی کرایہ مقرر کیا گیا ہے ۔مقرر کئے گئے کرائے کی امریکی ڈالر کے مساوی پاکستانی روپوں میں ادائیگی کرنا ہوگی۔پی آئی اے پی آئی اے کا حج آپریشن 31 مئی سے شروع ہوگا۔حج آپریشن کے لیے پاکستان سے مدینہ اور جدہ کے لیے پروازیں 31 مئی سے 3 جولائی تک جاری رہیں گی۔ پی آئی اے بعد از حج آپریشن 14 جولائی سے 13 اگست تک جاری رہے گا۔ایگزیکٹو اکانومی کلاس میں جانے والے حجاج کو 40 کلو بیگیج اور 7 کلو ہینڈ کیری میں سامان لے جانے جبکہ کانومی کلاس میں سفر کرنے والے حجاج کو 35 کلو بیگیج اور 7 کلو سامان ہینڈکیری میں لے جانے کی اجازت ہوگی۔