اسلام آباد(این این آئی) پاکستانی کرکٹرز یورپ میں بھی چھا گئے۔گلوبل زلمی میں شامل آلبی زلمی کلب میں شامل پاکستانی کرکٹررز نے ملک کا نام روشن کردیا۔آلبی زلمی نے یورپئین کرکٹ سیریز ٹائٹل جیت لیا۔آلبی زلمی نے فائنل میں بو ٹریکا کلب کو بیس رنز سے شکست دیدی ،بارش سے متاثر فائنل میں آلبی زلمی نے پہلے بیٹنگ کرتے ہوئے چار وکٹوں پر چورانوے رنز بنائے۔ اسماعیل ضیا 39اور راحیل خان بیس رنز بناکر نمایاں رہے۔جواب میں بوٹریکا کلب 8وکٹوں پر 76رنر بناسکے،آلبی زلمی کے میر افضل نے چار وکٹیں حاصل کیں ،آلبی زلمی یورپئین کرکٹ لیگ سیریز میں مسلسل آٹھ میچز جیت کر ناک آوٹ مرحلے میں پہنچی ۔پشاور زلمی کے چیئرمین جاوید آفریدی نے آلبی زلمی کو مبارکباد دیتے ہوئے کہا کہ آلبی زلمی کی شاندارکارکردگی سے پاکستان کا نام روشن ہوا۔