مسافروں سے بھرا جہاز اچانک لاپتہ
کھٹمنڈو(این این آئی)نیپالی حکام نے کہا ہے کہ ایک پرائیویٹ ایئرلائن کا طیارہ لاپتہ ہو گیا ہے۔ اس ہوائی جہاز پر بائیس افراد سوار تھے۔
میڈیارپورٹس کے مطابق تارا ایئرلاین حکام کا کہنا تھا کہ ایک چھوٹا طیارہ سیاحتی شہر پوخارہ سے شہر جوم سوم کی طرف پرواز کر رہا تھا۔
جہاز پر مقامی افراد کے علاوہ چار بھارتی اور دو غیر ملکی شہری بھی سوار تھے۔ نیپال میں دنیا کی بلند ترین پہاڑی چوٹیاں ہیں۔
بہت سے علاقوں میں انتہائی بلند اور مشکل مقامات پر طیاروں کو لینڈ کرنا پڑتا ہے۔ اس ملک کو پہلے بھی فضائی حادثوں کا سامنا رہا ہے۔
