پاک بھارت آبی تنازع،  مذاکرات کل  ہونگے

اسلام آباد( آن لائن) پاکستان اور بھارت کے درمیان آبی تنازع پر 2 روزہ مذاکرات کل 30 مئی سے نئی دہلی میں ہوں گے، مذاکرات کے دوران سندھ طاس معاہدے پر بھی بات چیت ہوگی۔میڈیا رپورٹ کے مطابق آبی تنازع پر 2 روزہ پاک بھارت مذاکرات 30 اور 31 مئی کو ہوں گے ،پاکستان سے 5 رکنی وفد بذریعہ واہگہ بارڈر نئی دہلی جائے گا، وزیر اعظم شہباز شریف نے پاکستانی وفد کو نئی دہلی جانے اجازت دیدی۔2 روزہ مذاکرات کے دوران سندھ طاس معاہدے پر بھی بات چیت ہوگی۔رپورٹ کے مطابق پاکستان کو مقبوضہ کشمیر میں دریائے چناب پر بھارتی منصوبوں پر اعتراض ہے جبکہ بھارت دریائے سندھ پر بھی غیر قانونی منصوبوں کی منظوری دے چکا ہے۔اگر بھارت یہ منصوبے تعمیر کرتا ہے تو اس سے پاکستانی دریاؤں میں پانی کا بہاؤ کم ہوگا جس سے پاکستان شدید آبی بحران سے دو چار ہوسکتا ہے۔

موضوعات:پاک بھارت آبی تنازع