سجاول (این این آئی)سجاول میں درندہ صفت شخص نے ذہنی معذور لڑکی کو اپنی ہوس کا نشانہ بنایا ہے۔تفصیلات کے مطابق یہ افسوسناک واقعہ سجاول کے گاؤں جان محمد جت میں پیش آیا، جہاں 13 سالہ ذہنی معذور لڑکی کے ساتھ دو وحشی درندوں نے زیادتی کی۔وحشی درندوں یوسف داندل اور خدابخش داندل نے ذہنی مریضہ کو یرغمال کرکے زبردستی مبینہ جنسی زیادتی کی، ذہنی مریضہ کو طبی معائنہ کے لئے چوہڑجمالی اسپتال منتقل کیا گیا۔متاثرہ لڑکی کی ماں امینہ داندل کی مدعیت میں جونگو جلبانی پولیس تھانے میں مقدمہ درج کیا گیا ہے، پولیس نے تاحال وحشی درندوں کو گرفتار نہیں کیا ہے۔