اسلام آباد (مانیٹرنگ ڈیسک)عمران خان ایک ایسی شخصیت کی گارنٹی پر واپس گئے جس نے اس سے پہلے کبھی ضمانت نہیں دی، دو ہفتے کا وقت دیا گیا ہے،اس بات کا دعویٰ نجی ٹی وی چینل اے آر وائی نے کیا ہے، اے آر وائی کے مطابق حکومت اور تحریک انصاف دونوں ہی کی طرف سے تصدیق کی گئی ہے کہ رات گئے عمران خان کو پیغامات آئے کہ آپ مارچ ختم کریں اور جلد ہی الیکشن کرادیے جائیں گے، انہیں جو گارنٹی دی جا رہی تھی وہ اسے تسلیم کرنے اور اس پر اعتبار کرنے کو تیار نہیں تھے۔ ایک ایسی شخصیت نے فجر کے وقت گارنٹی دی جنہوں نے اس سے قبل کبھی بھی گارنٹی نہیں دی تھی، گارنٹی دی گئی کہ دو ہفتے میں حکومت جانے کا اعلان کردیا جائے گا۔