لاہور(این این آئی)قومی احتساب بیورو (نیب) لاہور نے فرح خان کے کاروبار ی معاملات دیکھنے والے چار افراد مظاہر بیگ ، وقار ، آصف اور منیر کو نوٹس جاری کرتے ہوئے30 مئی کو پیش ہونے کا حکم دیا ہے۔جمعرات کو نیب لاہور کی جانب سے مذکور ہ چاروں افراد کو الگ الگ نوٹس جاری کئے گئے ہیں جن میں کہا گیا ہے کہ انکوائری میں پتہ چلا ہے آپ کے پاس ملزمہ فرحت شہزادی عرف فرخ خان کی جانب سے کئے گئے جرائم سے متعلق ثبوت اور ریکارڈ موجود ہے، چاروں افراد کو ہدایت کی گئی ہے کہ وہ 30مئی کو ملزمہ فرح خان کی جانب سے کیے گئے جرائم کے ثبوت اور ریکارڈ کے ہمراہ نیب کمپلیکس ٹھوکر نیاز بیگ لاہور میں ڈپٹی ڈائریکٹر عدیل احمد کے سامنے پیش ہوں۔نوٹسز ڈپٹی ڈائریکٹر نیب لاہور بینش نعمان کے دستخط سے جاری کیے گئے ہیں۔