ٹیکساس ( آن لائن) امریکا میں دہشت گردی کے خوفناک واقعے میں ایلمنٹری سکول کے 19 کمسن طلبا سمیت 21 افرادمارے گئے۔ امریکی میڈیا کے مطابق امریکا میں دہشت گردی کا کا افسوسناک واقعہ شہریووالڈی میں پیش آیا جہاں پستول اور 2 رائفلوں سے لیس ملزم سکول میں
داخل ہوا اور فائرنگ شروع کردی، اطلاعات کے مطابق سکول میں فائرنگ سے پہلے حملہ آور کا پولیس سے بھی فائرنگ کا بھی تبادلہ ہوا،جس میں 2اہلکارزخمی ہوئے۔ رپورٹ کے مطابق پولیس نے 18 سالہ حملہ آور کو گولی مار کر ہلاک کردیا،جس کی شناخت راموس کے نام سے ہوئی ، صدرجوبائیڈن نے واقعہ پرافسوس کا اظہارکرتے ہوئے28مئی تک امریکی پرچم سرنگوں کرنے کی ہدایت کردی،امریکی نائب صدر کمالہ حارس سمیت دیگرحکومتی اور اہم شخصیات نے بھی اسکول میں فائرنگ کے واقعہ پرگہرے دکھ اوررنج کا اظہارکیا ہے۔دوسری جانب قانون نافذ کرنے والے اداروں کے مطابق کہ سلواڈور راموس نے اسکول جانے سے قبل اپنی دادی کو بھی گولی ماری تھی اور ٹیکساسرینجرز کی طرف سے دی گئی معلومات کے مطابق ریاستی سینیٹر رولینڈ گٹیریز نے بتایا کہ راموس کی دادی کو ہوائی جہاز کے ذریعے سان انتونیو منتقل کردیا گیا ہے۔
