اسلام آباد (این این آئی)پاکستان ٹیلی کمیونیکیشن اتھارٹی (پی ٹی اے) نے ملک میں انٹرنیٹ سروس بندکرنے سے متعلق افواہوں کی تردید کردی ہے۔ایک بیان میں ترجمان پی ٹی اے کے مطابق ملک میں انٹرنیٹ سروس بند نہیں کی جارہی۔ترجمان پی ٹی اے کے مطابق انٹرنیٹ فراہم کرنے والی کمپنی ٹرانس ورلڈ کی سروس میں کچھ تعطل آیا ہے، پی ٹی اے اسے چیک کر رہاہے، دیکھ رہے ہیں کیا مسئلہ ہے۔ترجمان نے کہاکہ اس کا کسی بلاکنگ سے کوئی تعلق نہیں ہے، ایک ٹی وی چینل نے بالکل غلط خبر چلائی، انہیں تردید جاری کر رہے ہیں۔