اسلام آباد(مانیٹرنگ ڈیسک /این این آئی)حکومت اور تحریک انصاف کے درمیان معاہدہ طے پا گیا۔حکومت اور پاکستان تحریک انصاف کے درمیان طے پانے والے معاہدے کے تحت صرف جلسہ کرنے پر اتفاق ہوا ہے۔ذرائع کا بتانا ہے کہ حکومت اور تحریک انصاف کے درمیان  مذاکرات ڈھائی گھنٹے جاری رہے

، تحریک انصاف کی جانب سے 2 رہنما مذاکرات میں شریک تھے۔دوسری جانب نجی ٹی وی دنیا نیوز سے گفتگو کرتے ہوئے سینئر اینکر کامران شاہد نے بڑی خبر دیتے ہوئے کہا ہے کہ پاک فوج نے پی ٹی آئی اور اتحادی حکومت کے درمیان معاہدہ کرادیا ہے، کامران شاہد نے مزیدانکشاف کرتے ہوئے کہا ہے کہ آج صبح 10بجے سے مذاکرات جاری تھے ،اب کوئی لانگ مارچ نہیں ہوگا، کوئی دھرنا نہیں ہوگا۔صرف جلسہ ہوگا، جگہ کا تعین کیا جارہا ہے ،تحریک انصاف کی جانب سے 2 رہنما مذاکرات میں شریک تھے۔ واضح رہے کہ پاکستان تحریک انصاف کے حقیقی آزادی مارچ کے پیش نظر شہراقتدار میں سیکیورٹی سخت کر تے ہوئے اسلام آباد میں 22 ہزار سیکیورٹی اہلکار کر دیئے گئے ۔ کے مطابق وفاقی دارالحکومت اسلام آباد کے ڈی چوک کو چاروں اطراف سے کنٹینرز لگا کر بند کر دیا گیا،فیض انٹرچینج کو بھی کینٹنرز لگا کر سیل کر دیا گیا اور پولیس کی بھاری نفری تعینات رہی ۔ اسلام آباد پولیس کے مطابق سری نگر ہائی وے اسلام آباد چوک سے بند ، ٹریفک کو متبادل کے طور پر راولپنڈی پشاور روڈ پرموڑا گیا ۔ ذرائع کے مطابق :ریڈ زون کو کنٹینرز اور خاردار تاریں لگا کر سیل کر دیا گیا،ریڈ زون میں جانے اور آنے کے لئے مارگلہ روڈ کھلا رہا۔مری روڈ ، قائداعظم یونیورسٹی روڈ ، بری امام جانے والے راستے بھی سیل کئے گئے ،ایوب چوک، ایکسپریس چوک، نادرا چوک اور سرینا چوک ریڈ زون میں داخلے اور باہر نکلنے کے لیے بند کر دیئے گئے ، جڑواں شہروں میں شاہراہؤں کی بندش سے شہریوں کو آمد ورفت میں شدید مشکلات کا سامنا رہا۔