ممبئی (این این آئی)بالی ووڈ کنگ خان شاہ رخ اپنی رومانوی اداکاری سے تو ہر ایک کو اپنا بنالیتے ہیں لیکن اس بار اپنی تصویر سے مداحوں کو حیران کردیا۔بھارتی میڈیا رپورٹ کے مطابق شاہ رخ خان نے اپنی 8 ایبس کی تصویر شیئر کی ، جسے دیکھنے والوں کو یقین نہیں آیا کہ 56 سال کی

عمر میں کنگ خان اتنے فٹ ہیں؟انسٹاگرام پر شاہ رخ خان نے اپنی تازہ تصویر شیئر کی، جس میں وہ 8 ایبس کے ساتھ سپر فٹ دکھائی دے رہے ہیں۔انہوں نے تصاویر کے ساتھ کیشن میں لکھا ہے کہ ‘شاہ رخ اگر تھوڑا رک بھی گیا تو پٹھان کو کیسے روکو گے۔ ایپس اور ایبس سب بنا ڈالوں گا۔شارہ رخ خان نے ہفتے کی دوپہر کو ایک انوکھا کام کیا، انہوں نے سوشل میڈیا پر اپنی تصویر شیئر کی، جو فلم ‘پٹھان’ کے سیٹ پر کھینچی گئی، جس کے بعد مداحوں نے ان کا خوبصورت انداز دیکھ لیا۔تصویر میں کنگ خان بغیر شرٹ کے دونوں ہاتھوں سے رسی کو تھامے ہوئے ہیں، جس میں ان میں کی جسامت اور 8 ایبس واضح ہیں۔شاہ رخ خان کی یہ تصویر دیکھ کر مداحوں کی بڑی تعداد نے کمنٹ سیکشن میں دل اور آگ کے ایموجی کے ساتھ اپنے تبصرے شیئر کیے۔ایک مداح نے تبصرے میں کہا کہ وہ 56سال کی عمر میں اتنے فٹ کیسے نظر آتے ہیں؟ دوسرے نے کہا کہ کیا 56 سال؟ میرا دل اس کے لیے اتنا مضبوط نہیں۔فلم اگلے برس جنوری میں ریلیز کی جائے گی لیکن کئی مداحوں نے تصویر دیکھنے کے بعد کہا کہ وہ پٹھان میں شاہ رخ کا نیا انداز دیکھنے کے لیے مزید انتظار نہیں کرسکتے۔شاہ رخ خان ان دنوں اداکارہ دیپیکا پڈوکون کے ساتھ فلم کی شوٹنگ کے سلسلے میں اسپین میں موجود ہیں۔