لاہور(این این آئی)یونیورسٹی آف انجینئرنگ اینڈ ٹیکنالوجی لاہور کے الیکٹرک انجینئرنگ ڈیپارٹمنٹ نے یونیورسٹی اور ملک کا نام عالمی سطح پر روشن کردیا ہے، ڈیپارٹمنٹ کی ڈیزائن کردہ موٹر کنٹرول چپ کی عالمی سطح پر پذئرائی ہورہی ہے، اس چپ نے الیکٹرانکس کی بڑی سوسائٹی آئی ای ای ای سالڈ اسٹیٹ سوسائٹی تک رسائی حاصل کرلی ہے۔
سوسائٹی کے زیر اہتمام 15 ممالک کے 18 ڈیزائن منتخب کئے گئے جبکہ ڈاکٹر طیب محمود، ڈاکٹر محمد طاہر، ڈاکٹر عبید اللہ فیاض اور عمر شاہد کی ٹیم کا ڈیزائن چوتھے نمبر پر رہا۔ واضح رہے کہ یو ای ٹی کی ٹیم نے موٹر کنٹرول چِپ کا ڈیزائن سالڈ اسٹیٹ سرکٹ سوسائٹی کی سپانسرشپ سے تیار کیا تھا۔
