اسلام آباد (آن لائن) پاکستان ڈیموکریٹک موومنٹ کے ترجمان حافظ حمداللہ نے کہا ہے کہ قوم کونہ گھبرانے کی ترغیب دینیوالا خودگھبراہٹ اوربوکھلاہٹ کاشکارہوگیا ہے۔ اپنے بیان میں انہو ں نے کہا کل تک جس کو ڈاکو قاتل کہتے رہے آج اقتداراورکرسی کی بچاوکیلئے انکے پیر،،پکڑنے در درحاضری دے رہے ہیں۔ انہوں نے کہا عمران نیازی جس کے پاوں پکڑنے ہیں پکڑلومگر مولانا،کی قیادت میں اپوزیشن کے ہاتھوں آپ کی سیاست اورحکومت کے ختم ہونے کا وقت آگیا۔ انہوں نے کہا عمران نیازی آسمانی نہیں مصنوعی آفت ہے جس سے قوم کونجات دلانے کیلئے آج اپوزیشن کی قیادت کی بیٹھک ہوگی۔ انہوں نے کہا مولانافضل الرحمن نے کارکنوں کو اسلام آبادپہنچنے کیلئے تیاررہنے کی ہدایات جاری کی ہے۔