ممبئی(این این آئی) بالی ووڈ کے معروف اداکار کارتک آریان کی خاتون مداح نے ان سے شادی کے لیے 20 کروڑ بھارتی روپے کی پیش کش کردی۔غیرملکی خبررساں ادارے کی رپورٹ کے مطابق بھارتی اداکار نے سماجی رابطے کی فوٹو اور ویڈیو شیئرنگ ایپ انسٹاگرام پر ایک ویڈیو شیئر کی

جس میں ننھی اداکارہ عنایت ورما دھماکا فلم میں کارتک کا ڈائیلاگ سناتی نظر آرہی ہیں۔عنایت ورما نے کہا ‘میں ہوں ارجن پانڈے، جو بھی کہوں گا سچ کہوں گا’۔ یہ سن پر دونوں فلمی شخصیات ہنس پڑیں جس کے بعد اسی ویڈیو کے کومنٹ سیکشن میں ایک خاتون مداح نے کارتک آریان کو شادی کی آفر کی۔پرستار نے لکھا ‘اچھا مجھ سے شادی کرلو، 20 کروڑ روپے دوں گی’ جس پر کارتک نے مزاحیہ انداز میں سوال کیا کہ ‘کب’ اور ساتھ ہی قہقہے والا ایموجی بھی لگایا۔اس دلچسپ پیشکش اور اداکار کا تبصرہ پڑھ کر دیگر کئی مداحوں نے بھی طنز ومزاح سے بھرپور کومنٹ کیے۔ خیال رہے کہ کارتک آریان ان شوبز شخصیات میں شامل ہیں جو اپنے پرستاروں کو خوب چاہتے ہیں۔ حالیہ دنوں دو لڑکیوں کی بھی ویڈیو وائرل ہوئی تھی جو مذکورہ اداکار کے گھر کے باہر کھڑے ہوکر انہیں پکار رہی تھیں۔بعد ازاں کارتک اپنے گھر سے باہر آئے اور دونوں خاتون مداحوں سے ملاقات کی اور پھر تصویریں بھی بنوائیں۔