اسلا آباد (این این آئی)اسلام آباد میں عوامی مارچ سے خطاب کے دوران پاکستان پیپلز پارٹی کے چیئرمین بلاول بھٹو زرداری کی زبان پھسلنے پر سوشل میڈیا صارفین کو میمز کیلئے ایک نیا موضوع مل گیا۔
گزشتہ روز جب بلاول نے جلدی میں ٹانگیں کو کانپیں اور کانپ کو ٹانگ کہا اور اس کی ویڈیو سوشل میڈیا پر وائرل ہوئی تو پی پی چیئرمین کا جملہ ٹوئٹر پر ٹاپ ٹرینڈ بن گیا۔جہاں کچھ صارفین نے میمز بنائے تو وہیں دیگر نے اس جملے تو استعمال کرتے ہوئے دلچسپ تبصرے بھی کیے جس سے صارفین خوب محظوظ ہوئے۔ایک صارف نے بالی وڈ کی سپر ہٹ فلم ویلکم کا ایک سین شیئر کیا جس میں اداکار مشتاق خان (بلو) کے کردار پر بلاول بھٹو کی تصویر ایڈٹ کی اور کیپشن میں ٹانگ کیلئے کانپ لفظ استعمال کیا۔ایک اور صارف نے پاکستان کے سابق اسپیڈ اسٹار شعیب اختر کے حوالے سے تبصرہ کیا اور کہا کہ جب شعیب اختر پویلین اینڈ سے بولنگ کراتے ہیں تب بیٹر کی ایسی حالت ہوتی ہے۔ایک صارف نے ترک ڈرامہ سیریز کورولش عثمان کے معروف کرداروں جیرکوتائی اور آئیگل کی تصویر شیئر کی اور صورتحال کی وضاحت کی۔ایک صارف نے بالی وڈ فلم تھری ایڈیٹس کے کردار چتْر کو بلاول بھٹو کی تصویر کے ساتھ کولاج بناکر شیئر کیا اور کہا کہ دو مختلف ممالک کے لوگوں نے رٹہ لگانے میں پی ایچ ڈی کی ڈگری حاصل کررکھی ہے۔
