لاہور ، اسلام آباد(مانیٹرنگ ڈیسک، آئی این پی)خانیوال کے ضلع میاں چنوں میں بائی پاس کے قریب لڑاکا تربیتی طیارہ گر کر تباہ ہوگیا۔ جنگ اخبار کی رپورٹ کے مطابق میاں چنوں میں بائی پاس کے کولڈ اسٹوریج کے گوادم کے قریب لڑاکا تربیتی طیارہ گر کر تباہ ہوگیا۔
خانیوال پولیس کا کہنا ہے کہ واقعے کی تحقیقات کررہے ہیں جلد معلومات فراہم کرینگے۔دوسری جانب پاک فضائیہ نے میاں چنوں میں گرنے والا طیارہ پاکستانی فضائیہ کا ہونے سے متعلق افواہوں کی تردید کردی۔ اپنے ایک بیان میں ترجمان پاک فضائیہ کا کہنا ہے کہ میاں چنوں میں گرنے والا طیارہ پاکستان فضائیہ کا نہیں۔خیال رہے کہ میاں چنوں میں چھوٹا تربیتی طیارہ گرکر تباہ ہوگیا ہے، واقعے کے بعد پولیس اور ریسکیو اہلکار جائے وقوعہ پہنچ گئے اور امدادی کارروائی میں حصہ لیا۔ریسکیو انچارچ ڈاکٹر خالدکے مطابق تربیتی طیارہ گرنے سے معجزاتی طورپر کوئی جانی نقصان نہیں ہوا ہے۔ واضح رہے کہ میاں چنوں کے علاقہ پندرہ ایل پل کے قریب زور دو دار دھماکہ ہو اجس سے پور شہر لرز اٹھا ، عینی شاہدین نے دعویٰ کیاکہ طیارہ ایک گھر پر گرا، دھماکے کے نتیجے میں ایک گھر مکمل تباہ ہوگیاجس میں کوئی کمرہ نہیں بچا ۔ ذرائع کے مطابق دھماکے سے جائے حادثہ پر 10 فٹ گہرا کھڈا پڑ گیا۔ ضلع خانیوال کی پولیس،ریسکیو اور تمام انتظامیہ ادارے پہنچ گئے ،اطلاع ملنے پر سینکڑوں شہری بھی جائے حادثہ پر پہنچ گئے ۔ انتظامیہ کی جانب سے عوام کو جگہ سے ہٹانے کیلئے فائربریگیڈ سے پانی پھینکا گیا ۔ رش کے باعث بائی پاس پر ٹریفک بری طرح جام ، واقعہ کی تحقیقات جاری ہیں ۔
