کراچی ( مانیٹرنگ ڈیسک/این این آئی ) اپوزیشن جماعتوں کی جانب سے قومی اسمبلی میں وزیراعظم کے خلاف تحریک عدم اعتماد جمع ہونے کے بعد عمران خان نے عوامی جلسے کا اعلان کر دیا ۔جمعہ کو ہونے والا جلسہ بتائے گا عوام کس کے ساتھ ہیں،

وزیراعظم عمران خان نے گزشتہ روز یوٹیوبرز سے ملاقات میں موجودہ صورتحال پر شاعرانہ تبصرہ کیا۔وزیراعظم عمران خان سے گزشتہ روز حکومتی حمایت یافتہ یوٹیوبرز نے ملاقات کی جس دوران وزیراعظم سے سوال کیا گیا کہ وزیراعظم صاحب عدم اعتماد کامیاب ہوگئی توکیا اپوزیشن میں بیٹھیں گے یا سڑکوں پرنکلیں گے؟اس پروزیراعظم نے شاعرانہ جواب دیتے ہوئے کہا کہ مشکلیں اتنی پڑیں مجھ پر کہ آساں ہوگئیں۔وزیراعظم عمران خان نے کہا کہ یہ گیم وہاں جارہی ہے جس کا میں ایکسپرٹ ہوں، ہردن نئے چیلنجز کا سامنا کرنا پڑتا ہے اور میں اس کیلئے تیار ہوں، عوام میرے ساتھ ہیں،جمعہ کو دیرمیں عوامی جلسہ کریں گے۔وزیراعظم نے کہا کہ میں نے اپنے اقتدار میں اب تک صرف 5 چھٹیاں کیں جب مجھے کورونا ہوا تھا۔
۔