اسلام آباد(آن لائن )پاکستان پیپلز پارٹی کے شریک چیئرمین آصف علی زرداری اور ق لیگ کے چوہدری شجاعت حسین کے درمیان ملاقات ہوئی ہے ۔ مسلم لیگ ق کے صدر چوہدری شجاعت حسین اور ان کا وفد بدھ کے روز زرداری ہائوس پہنچا جہاں آصف علی زرداری اور چوہدری شجاعت حسین کے درمیان ملاقات نصف گھنٹہ جاری رہی ۔ ذرائع کے مطابق ملاقات میں آصف علی زرداری نے تحریک عدم اعتماد کے حوالے سے ق لیگ سے تعاون کی درخواست کی۔ق لیگ نے فیصلہ ملکی مفاد کو سامنے رکھتے ہوئے کرنے کی یقین دھانی کرائی۔ ملاقات میں طارق بشیر چیمہ، چوہدری سالک حسین بھی شریک ہوئے۔