کراچی(این این آئی)ترجمان جے یو آئی اسلم غوری نے کہا ہے کہ حکمرانوں کے چہروں پر اڑتی ہوائیاں بتا رہی ہیں کہ یہ اندر سے کس قدر خوف زدہ ہیں۔ فواد چوہدری کے بیان پر ردِ عمل دیتے ہوئے اسلم غوری نے کہا کہ دوچار روز صبر کرلیں ، نیازی اور اس کی دو نمبر کابینہ کو چھٹی کا دودھ یاد دلائیں گے، تین ساڑھے تین سال جن اتحادیوں کو پوچھا تک نہیں، ان کے گھروں کے پھیرے لگوانے کے بعد

تحریک عدم اعتماد لائیں گے اور کامیاب ہوں گے۔انہوں نے کہا کہ حکمرانوں کے چہروں پر اڑتی ہوائیاں بتا رہی ہیں کہ یہ اندر سے کس قدر خوف زدہ ہیں، فواد چوہدری کو مفت مشورہ ہے کہ وہ کسی اور باس کو منتخب کرلیں ، ادھر ادھر منہ مارنے کی عادت پرانی ہے۔انہوں نے کہاکہ عوامی مینڈیٹ چوری کرنے، ملکی ترقی زیرو فیصد پر لانے اور مہنگائی کا طوفان لانے والوں کا یوم حساب قریب ہے، صرف تحریک عدم اعتماد نہیں لائیں گے ،ان مافیاز اور بیرونی ایجنٹوں کا بھر پور احتساب کریں گے۔جمان جے یو آئی اسلم غوری نے کہا ہے کہ نیازی کی چیخ و پکار بتا رہی ہے کہ اس کی ناجائز حکومت جلد ختم ہونے والی ہے۔میلسی میں عمران خان کے خطاب پر ترجمان جے یو آئی نے ردِ عمل دیتے ہوئے کہا کہ نیازی حکومت حالت نزع میں ہے، آج کی تقریر ان کا ثبوت ہے، عمران خان جنوبی پنجاب کے غیور عوام کو پیکجز اور صوبے کے نام پر مزید بے وقوف نہیں بنا سکتے۔انہوں نے کہا کہ کسانوں اور کاشت کاروں کے سامنے جھوٹے اعداد و شمار پیش کیے گئے، نیازی سرکار نااہل ، نالائق اور جھوٹا ہیں، ان کی تقریر جھوٹ کا پلندہ ہوتی ہے، معیشت کا بیڑہ غرق کرنے کے باوجود ڈھٹائی سے جھوٹ بولنا کوئی نیازی سرکار سے سیکھے۔انہوں نے کہاکہ مولانا فضل الرحمان کو آج سے کئی سال قبل نیازی کے کرتوتوں کا علم تھا، اب عوام بھی اس بہروپئے کو پہچان چکے ہیں، ہر تقریر میں مولانا فضل الرحمان کے خلاف ہرزہ سرائی کر کے عمران بیرونی ایجنٹوں کے سامنے اپنی نوکری پکی کرنے کو شش کرتا ہے۔اسلم غوری نے کہا کہ جھوٹ اور دھاندلی کی بنیاد پر قائم نیازی حکومت کا دھڑن تختہ جلد ہی مولانا فضل الرحمان کے ہاتھوں ہوگا، نیازی کی چیخ و پکار بتا رہی ہے کہ ان کی ناجائز حکومت جلد ختم ہونے والی ہے۔انہوں نے کہا کہ عمران خان سے معیشت کی بدحالی ،بدامنی ،مہنگائی ،کشمیر فروشی اور پاکستان کو عالمی برادری میں تنہائی کا شکار کرنے سمیت ہر قومی جرم کا حساب لیں گے، عمران نیازی جھکتا نہیں پورا لیٹ جاتا ہے۔ترجمان جے یو آئی اسلم غوری نے کہاکہ خود پوری زندگی بھیک مانگتے گزاری، قوم کو بھی بھیک مانگنے پر مجبور کردیا، پھر بھی دعوی ہے کہ قوم کو کسی کے سامنے جھکنے نہیں دوں گا۔