تبلیسی /ماسکو(این این آئی)روسی پولیس ملک کے کئی شہروں میں جنگ کے خلاف مظاہرے کرنے والوں کی گرفتاریوں میں مصروف ہے۔ میڈیارپورٹس کے مطابق بتایا گیا کہ اب تک کم ازکم پانچ سو ساٹھ افراد کو حراست میں لیا جا چکا ہے۔
مقامی شہری حقوق کی تنظیموں کے مطابق بعض گرفتار شدگان کو قانونی مدد مہیا کی گئی ہے۔ جمعرات کے روز یوکرائن پر روسی حملے کے بعد سے اب تک مجموعی طور پر سترہ سو سے زائد افراد کو حراست میں لیا جا چکا ہے۔ دوسری جانب جمعے کے روز روس کے ہم سایہ ملک جارجیا میں ہزاروں افراد نے دارالحکومت تبلیسی میں روس کے خلاف پابندیاں نافذ نہ کرنے پر اپنی حکومت کے خلاف مظاہرہ کیا۔ یہ افراد یوکرائن پر روسی حملے کے خلاف بھی نعرے بازی کر رہے تھے۔
