کیف(این این آئی)یوکرین نے روس کے2 فوجیوں کوگرفتارکرلیا ہے۔میڈیارپورٹس کے مطابق یوکرین کی وزارت دفاع نے بیان میں کہا کہ روس کے دو فوجیوں کوگرفتارکرلیا گیا۔یوکرین کے جنرل اسٹاف آف آرمڈ فورسزنے اپنے ٹوئٹراکاؤنٹ پردوگرفتارروسی فوجیوں کی تصاویرشئیرکردیں۔

روسی فوجیوں کے بارے میں مزید تفصیلات نہیں بتائی گئیں۔روس کی جانب سے 2 فوجیوں کی گرفتاری کی اطلاعات پرردعمل سامنے نہیں آیا۔روس نے گزشتہ روز یوکرین پرحملہ کردیا تھا۔ حملے میں یوکرین کے متعدد شہروں کونشانہ بنایا گیا ہے۔ یوکرین اورروسی فوجی دستوں میں زمینی جھڑپیں بھی جاری ہیں۔