لاہور( این این آئی)متحدہ قومی موومنٹ پاکستان نے مسلم لیگ (ق)سے رابطہ کر کے جلد ملاقات پر اتفاق کیا ہے۔بتایا گیا ہے کہ اپوزیشن کے حکومتی اتحادیوں سے رابطوں کے بعد اتحادیوں نے آپس میں رابطہ کرلیا ہے ۔ مسلم لیگ (ق ) کے وفاقی وزیر مونس الٰہی سے ایم کیو ایم سے تعلق رکھنے والے وفاقی وزیر امین الحق نے فون پر رابطہ کیا۔ ایم کیوایم کے رہنما خالد مقبول صدیقی نے بھی فون پر وفاقی وزیر مونس الٰہی سے بات چیت کی۔ذرائع کے مطابق ایم کیو ایم اور مسلم لیگ (ق) کے رہنمائوں نے جلد ملاقات پر اتفاق کرلیا۔ جلد دونوں جانب کی قیادت آئندہ سیاسی لائحہ عمل کے لیے مشاورتی ملاقات کرے گی۔ ایم کیوایم اور مسلم لیگ (ق)سیاسی منظر نامے پر مشاور ت سے چلے گی۔ ایم کیوایم کی قیادت پہلے بھی چودھری برادران سے ایک ملاقات کر چکی ہے۔