کیف(این این آئی) یوکرینی افواج نے کہاہے کہ یوکرین کی فضائیہ روس کے فضائی حملے کا مقابلہ کر رہی ہے۔غیر ملکی خبر رساں ادارے کے مطابق یوکرین کی مسلح افواج نے ایک بیان شائع کیا جس میں کہا گیا کہ روسی فوج نے ملک کے مشرق میں اپنے یونٹوں پر شدید گولہ باری شروع کردی۔بیان میں کہا گیا کہ روس نے کیف کے قریب بوریسپل ہوائی اڈے اور کئی دیگر ہوائی اڈوں پر بھی میزائل حملے کیے۔انہوں نے اپنے بیان میں مزید کہا کہ یوکرین کی فضائیہ فوج روسی فضائی حملے کو پسپا کر رہی ہے۔دوسری جانب یوکرین کے صدر زیلینسکی نے ملک میں میزائل حملوں کی اطلاعات کی تصدیق کی۔

موضوعات:یوکرینی افواج