کراچی (مانیٹرنگ ڈیسک /این این آئی) کورنگی اور گلشن اقبال میں 3 ڈاکو شہریوں کے ہتھے چڑھ گئے، شہریوں نے مار مار کر ملزمان کی درگت بناڈالی اور پولیس کے حوالے کردیا۔تفصیلات کے مطابق اسٹریٹ کرائم سے تنگ شہری جان کی پرواہ کئے بغیر ڈاکوؤں سے مقابلہ کرنے لگے
کورنگی اور گلشن اقبال میں 3ڈاکو شہریوں کے ہتھے چڑھ گئے، شہریوں نے مار مار کر ملزمان کی درگت بناڈالی۔کورنگی میں پکڑے گئے ملزم کی شٹ اتار کر تشدد کا نشانہ بنایا گیا جبکہ گلشن سے بھی پکڑے جانے والے دونوں ڈاکوؤں کو بدترین تشدد کا نشانہ بنایا۔ملزمان شہریوں کو لوٹ کر فرار ہونے کی کوشش کر رہے تھے، ڈاکوؤں کی پٹائی کے دوران پولیس بھی آپہنچی اور شہریوں نے پکڑے گئے تینوں ملزمان کورنگی اور گلشن اقبال پولیس کے حوالے کردیئے۔گذشتہ روز بھی کراچی کے علاقے گلشن جمال میں فوڈ ڈیلیوری بوائز کا روپ دھار کر وارداتیں کرنے والے ملزمان شہریوں کے ہتھے چڑھ گئے تھے، شہریوں نے ملزمان کو پکڑ کر پولیس کے حوالے کردیا تھا۔پولیس کے مطابق ملزمان ڈیلیوری بوائے کا روپ دھار کر شہریوں سے موبائل فون چھینتے تھے، دونوں ملزمان شہری سے چھینا جھپٹی کے بعد فرار ہورہے تھے۔
