اسلام آباد (این این آئی)چیف شماریات ڈاکٹر نعیم ظفر نے کہا ہے کہ پہلی دفعہ پاکستان میں ڈیجیٹل مردم شماری ہو رہی ہے۔این تھری سینٹر سے متعلق بریفنگ دیتے ہوئے چیف شماریات ڈاکٹر نعیم ظفر نے بتایا کہ صوبائی انتظامیہ سے مل کر ڈیجیٹل مردم شماری سے متعلق مشاورت کی گئی

۔انہوں نے بتایا کہ جہاں انٹرنیٹ کی سہولت نہیں وہاں پیپر کے ذریعے ڈیٹا اکٹھا کیا جا ئے گا، قومی مردم شماری رابطہ سینیٹر کی سربراہی ڈپٹی چیئرمین پلاننگ کمیشن کریں گے۔چیف شماریات کے مطابق پورے پاکستان میں 614 مردم شماری سپورٹ سینٹر بنائے گئے ہیں، 250 گھرانوں کا ایک بلاک ہوگا اور ہر بلاک کا رزلٹ الگ سے آئے گا۔1 لاکھ 20 ہزار ٹیبلیٹس کی خریداری کی جائے گی، اگست میں ایک مرحلے میں مردم شماری کی جائے گی، پہلی بار مردم شماری کے ساتھ اکنامک شماری کا فریم بن جائے گا۔چیف شماریات ڈاکٹر نعیم ظفر نے بتایا کہ مردم شماری کے ایک سال بعد اکنامک شماری بھی ہو جائے گی، مردم شماری کے سوال نامے میں 5 زبانوں کا آپشن دیا گیا ہے۔