پشاور (مانیٹرنگ ڈیسک)خیبر پختونخوا کے صوبائی دارالخلافہ پشاور اور استور سمیت شمالی علاقہ جات میں زلزلے کے شدید جھٹکے محسوس کیے گئے۔نجی ٹی وی جیو نیوز کے مطابق زلزلہ پیما مرکز کا کہنا ہے کہ گلگت بلتستان کے ضلع استور اور خیبرپختونخوا کے دارالخلافہ پشاور سمیت شمالی علاقہ جات میں زلزلے کے جھٹکے محسوس کیے گئے جن کی ریکٹر اسکیل پر شدت 5 تھی۔

زلزلہ پیما مرکز کے مطابق زلزلے کی گہرائی 218 کلو میٹر اور اس کا مرکز ہندوکش ریجن تھا۔زلزلے سے لوگوں میں شدید خوف و ہراس پھیل گیا اور لوگ گھروں سے باہر نکل آئے۔اب تک موصول ہونے والی اطلاعات میں کسی جانی و مالی نقصان کی اطلاع نہیں ملی۔