کولکتہ (این این آئی)ویسٹ انڈیز سے میچ کے دوران بھارتی کھلاڑی اپنے بیٹسمین کے تیز شاٹ کے باعث گیند لگنے سے بچنے کیلئے ایک دوسرے پر آگرے۔میڈیا رپورٹ

کے مطابق ویسٹ انڈیز اور بھارت کے درمیان دوسرے ٹی ٹوئنٹی میچ میں اس وقت دلچسپ صورتحال دیکھنے میں آئی جب بھارتی ٹیم کو اپنے بیٹر کے شاٹ سے بچنا پڑگیا۔کولکتہ میں ویسٹ انڈیز اور بھارت کے دوسرے ٹی ٹوئنٹی میچ میں بھارتی بیٹر ونکاتیش ایر نے مڈل آرڈر پر تیز شاٹ لگایا اور گیند کو باؤنڈری کی طرف بھیجا جہاں پویلین میں بیٹھے بھارتی کھلاڑی تیزی سے گیند کو اپنی جانب آتے دیکھ کر ہڑبڑا گئے۔بیٹر کے شاٹ پر گیند سیدھی بھارتی کھلاڑیوں کی طرف پویلین میں جاگھسی جس سے بچنے کیلئے تمام کھلاڑی جلدی میں اٹھے اور ایک دوسرے پر جاگرے۔میچ کے دوران پیدا ہونے والی اس دلچسپ صورتحال کی ویڈیو سوشل میڈیا پر وائرل ہے۔

موضوعات:بھارتی کھلاڑی