کراچی(این این آئی)وفاقی وزیربرائے بحری اموراور پی ٹی آئی سندھ کے صدرسید علی حیدرزیدی نے مقتول صحافی طہر متین کے بچوں کی پڑھائی کے ایک سال کے اخراجات اپنے ذمہ لیتے ہوئے کہاہے کہ اطہر متین کے ساتھ پیش آنے والا واقعہ انتہائی افسوسناک ہے،اطہر متین نے

اپنا فرض سمجھتے ہوئے جرم کو روکنے کی کوشش کی،ظلم کے سامنے کھڑے ہونا شہادت کا مرتبہ ہے۔ہفتہ کو وفاقی وزیر نے مقتول صحافی اطہر متین کے بھائی طارق متین سے ملاقات کی۔اس موقع پر علی زیدی نے افسوسناک واقعے پر طارق متین اور اہل خانہ سے تعزیت کی۔وفاقی وزیر علی زیدی کے ہمراہ صدر پی ٹی آئی کراچی بلال غفار، ترجمان پی ٹی آئی سندھ ارسلان تاج، سندھ کے سینئر نائب صدر طاہر حسین شاہ تھے۔اس موقع پر میڈیا سے بات چیت میں علی زیدی نے کہاکہ شہر کے حالات سب کے سامنے ہیںدو ماہ میں اسٹریٹ کرائمز کی وارداتیں 11 ہزار سے تجاوز کر گئی ہیںیہ شہر کس طرف جارہا ہے سب کو نظر آرہا ہے۔انہوں نے کہاکہ میں وزیر اعظم عمران خان سے ملاقات کروں گااور انہیں بتائوں گا کہ کراچی شہریوں کے لئے محفوظ نہیں رہااس کے لئے فوری حکمت عملی ترتیب دینی ہوگی۔انہوں نے کہاکہ سیف سٹی پراجیکٹ پر عمل نہیں ہوا۔