اسلام آباد (مانیٹرنگ ڈیسک) رنگ برنگے پرندے ہر کسی کو اچھے لگتے ہیں، ہمارے ملک میں مختلف موسموں میں مختلف پرندے دوسرے ممالک سے آتے جاتے رہتے ہیں،
ایسا ہی ایک منفرد پرندہ ہے جو صرف ماہ رمضان میں پاکستان آتا ہے اور پورا مہینہ گزارنے کے بعد واپس بھارت چلا جاتا ہے۔اس پرندے کا نام برڈ پِٹا انڈین ہے جو ہر سال بھارت سے پاکستان آتا ہے اور ماہ رمضان کے پررونق لمحات میں یہاں قیام کرتا ہے، پِٹا براعظم ایشیا، آسٹریلیا اور افریقہ میں پائے جانے والے دنیا کے خوبصورت پرندوں میں سے ایک ہے۔اس پرندے کی دنیا بھر میں 42 اقسام پائی جاتی ہیں۔ یہ خوبصورت پرندہ کیچھوے ، گھونگھے، دیمک، چیونٹیاں، بھنورے اور کنکھجورے وغیرہ بھی کھاتا ہے۔یہ پرندے زیادہ تر بارش کے موسم میں بریڈ کرتے ہیں۔ایک وقت میں یہ پرندے تین سے پانچ انڈے دیتے ہیں، ان میں خاص بات یہ ہے کہ نر اور مادہ دونوں ہی انڈوں پر بیٹھتے ہیں، اس پرندے کے پروں پر مختلف قسم کے خوبصورت رنگ اور ڈیزائن ہوتے ہیں، یہ ڈیزائن بالکل کپڑوں کے ڈیزائن کی طرح نظر آتے ہیں۔
