لاہور( این این آئی )پاکستان سپر لیگ کی ٹیم ملتان سلطانز کے کپتان اور پاکستان کرکٹ ٹیم کے وکٹ کیپر بیٹر محمد رضوان ٹی ٹونٹی کی ایک اننگز میں دو سنچری کی شراکت بنانے والے پہلے پاکستانی کرکٹر بن گئے۔محمد رضوان نے یہ کارنامہ کوئٹہ گلیڈی ایٹرز کے خلاف پاکستان سپر لیگ کے میچ میں انجام دیا۔محمد رضوان نے قذافی اسٹیڈیم میں کھیلے گئے میچ میں پہلے شان مسعود کے

ساتھ 119 رنز کی اور پھر روئیلی روسو کے ساتھ 103 رنز کی شراکت بنائی۔مجموعی طور پر دنیا میں یہ ایسا 12 واں موقع تھا۔اس سے قبل ہونے والی 11 ایسی شراکتوں میں سے 8 ایسی شراکت رہیں جس میں ایک ہی بیٹر دو سنچری شراکت میں حصہ دار رہا ہو۔ ان بیٹرز میں ایرون فنچ، بی پی چپنگو، ایڈم لیتھ، ول ینگ، ٹوم کوہلر کیڈمور، ڈیوڈ وارنر، ڈیوون کونووے اور رایان پٹھان شامل ہیں۔