اسلام آباد(آن لائن)سابق سینیٹر فیصل واوڈا نے تاحیات نا اہلی کے الیکشن کمیشن اور ہائی کورٹ کے فیصلوں کے خلاف اپیل عدالت عظمیٰ میں دائر کردی ہے۔اپیل میں الیکشن کمیشن اور مخالف شکایت کنندگان کو فریق بنایا گیا۔اپیل میں موقف اپنایا گیا ہے کہ الیکشن کمیشن کو تاحیات نا اہل کرنے کا
اختیار نہیں تھا۔الیکشن کمیشن مجاز کورٹ آف لاء نہیں۔اسلام آباد ہائی کورٹ نے عجلت میں اپیل خارج کی۔اپیل میں استدعا کی گئی ہے کہ الیکشن کمیشن کا نااہلی کا فیصلہ کالعدم قرار دیکر سینیٹر کے عہدے پر بحال کیا جائے۔فیصل واوڈا کی اپیل ایڈووکیٹ وسیم سجاد نے سپریم کورٹ میں دائر کی ہے۔
