لاہور(آن لائن )مسلم لیگ ن کے رہنما خواجہ سعد رفیق نے کہا ہے کہ ظالم کی رسی درازہوتی ہے مگرکب تک؟۔ وزیراعظم عمران خان کے منڈی بہاؤ الدین میں ہونے والے جلسے کے خطا ب پر تنقید کرتے ہوئے مسلم لیگی رہنما نے اپنی ٹوئٹ میں کہاکہ تمھاری جنگ ذاتی اقتدار کیلئے ہے،
وزارتوں /سرکاری فنڈز کی بندر بانٹ، جبری قوانین، چالاکیاں، مخالفین کیلئے پھندے سب ریت کی دیواریں ثابت ہونگے۔سعد رفیق نے کہاکہ تم کسی کی نہیں مگراللہ کی پکڑ میں آؤ گے۔دوسری جانب پاکستان مسلم لیگ(ن) پنجاب کے نائب صدر و رکن صوبائی اسمبلی رانا مشہوداحمد نے کہا کہ موجودہ حکومت نے عوام پر مہنگائی کا بوجھ روز بروز بڑھا دیا ہے غریب عوام کے منہ سے آخری نوالہ چھیننے کی ہرممکن کوشش موجودہ حکومت کی اولین ترجیح ہے آزادی صحافت پر حملہ کسی صورت برداشت نہیں کریں گے سنیئر صحافی محسن بیگ کی گرفتاری اور نجی ٹی وی چینل کی بندش انتہائی افسوسناک اور قابل مذمت ہے ہم میڈیا کی مکمل آزادی پر یقین رکھتے ہیں کراچی میں افسوسناک واقعہ نجی ٹی وی کے سنیئر نمائندے اطہر متین کی فائرنگ سے موت کی مذمت کرتے ہیں ان خیالات کااظہار انہوں نے عارفوالا میں شیخ ہائوس میں میڈیا سے گفتگو کرتے ہوئے کیا انہوں نے کہا کہ موجودہ حکومت نے عام آدمی کا جینا دوبھر کردیا ہے ہر کوئی مہنگائی کا رونا رو رہاہے نااہلو ں کا ٹولہ ملک پر مسلط ہے اس موقعہ پر سابقہ بلدیہ چیئرمین و پاکستان تحریک انصاف کے سنیئر رہنماء شیخ محمد طارق ،حسن طیب ودیگر بھی موجودتھے ۔
