ریاض (این این آئی)سعودی عرب میں پلاسٹک کے چاول کا کاروبار کرنے پر 47 کروڑ روپے جرمانہ اور 10 سال کی قید ہو گی۔میڈیارپورٹس کے مطابق سعودی عرب میں پلاسٹک کے چاولوں کو مارکیٹ میں جانے سے روکنے کے

لیے اہم اقدامات کیے جا رہے ہیں۔ یہ اقدامات سوشل میڈیا پر ویڈیوز آنے کے بعد کیا گیا جس میں دکھایا گیا کہ مارکیٹ میں کچھ ڈیلرز کی وجہ سے پلاسٹک کے چاول سیل کیے جا رہے ہیں، آلووں اور رائس فلیور سے تیار کردہ مضر صحت پلاسٹک چاول سعودی عرب میں کی مارکیٹوں میں دستیاب ہیں.فوٹیج میں کچھ لوگوں کو کہتے ہوئے سنا جا سکتا ہے کہ پلاسٹک کے چاول کو اصل چاولوں سے الگ نہیں کیا جا سکتا جب تک کہ اسے پکا نہ لیا جائے۔سعودی فوڈ اینڈ ڈرگ اتھارٹی (ایس ایف ڈی اے )نے ان دعوں کی تردید کرتے ہوئے کہا کہ وہ اس بات کو یقینی بنانے کے لیے ضروری اقدامات کر رہی ہے کہ پروڈکٹ مقامی منڈیوں میں داخل نہ ہو، سعودی سرکاری ٹیلی ویژن الاخباریہ نے رپورٹ کیا۔