نارنگ منڈی(این این آئی ) گائوں کے اوباش لڑکوں کے خوف کی وجہ سے دو یتیم بہنوں کو شادی کے پانچویں روز طلاق ہو گئی ۔افسوسناک اور دل دہلا دینے والا واقعہ نارنگ منڈی کے گائوں کھنڈا میں بیوہ خاتون نصرت بانو کے ساتھ پیش آیا ۔نارنگ منڈی پولیس نے مدعیہ نصرت بانو کی

درخواست پر چار ملزمان عدنان ،زین ،واجدآصف کے خلاف مقدمہ درج کر لیا ہے تاہم کوئی ملزم تاحال گرفتار نہیں ہوا ۔بتایا گیا ہے کہ دونوں بہنوں کی شادی کے روز جب گھر میں مہمان آئے ہوئے تھے کہ ملزمان اسلحہ سے لیس ہو کرآدھی رات کو گھر کی دیواریں پھلانگ کر اندر داخل ہوئے اورلڑکیوں کی شادی کرنے پر بیوہ خاتون کو رشتہ داروں کی موجودگی میں سرعام مغلظات بکیںاور جہیز کے سامان کو آگ بھی لگائی جس سے قیمتی جہیز کی کچھ چیزیںجل کر خاکستر ہو گئیں۔ اس موقع پر اہل خانہ کو ہراساں کرنے کیلئے فائرنگ بھی کی گئی او ر ملزمان یہ دھمکی دیتے ہوئے وہاں سے چلے گئے کہ اگر ان کی شادی کی تو تمہارے گھر میں صف ماتم بچھا دیں گے ۔ملزمان نے اگلے روز اسلحہ کے زور پر بارات کو زبردستی روک کر دونوں دلہوں کو بارات واپس لے جانے پر مجبور کیااور اسلحہ کے زور پر انہیں خوف زدہ کرتے رہے جس سے بارات میں خوف و ہراس پھیل گیا اورکئی باراتی بھاگ گئے تاہم گائوں کے معززین کی مداخلت سے دونوں بچیوں کو خوف کے سائے میں رخصت کیا گیا ۔رخصتی کے بعد ملزمان دلہنوں کے سسرال فون کرکے قتل کرنے کی دھمکیاں دیتے رہے جس سے خوفزدہ ہو کر دونوں بہنوں کو پانچویں روز طلاق دے کر گھر بھیج دیا گیا۔

موضوعات:طلاق