لاہور (این این آئی)قومی کرکٹ ٹیم اور پی ایس ایل کی فرنچائز لاہور قلندرز کے فاسٹ بولر حارث رؤف نے پی ایس ایل کے دوران روٹی گینگ میں جانے سے انکار کردیا۔حارث رؤف نے اپنے ایک حالیہ انٹرویو میں کہا کہ میرا لاہور قلندرز سے اب کچھ ایسا رشتہ قائم ہوگیا ہے کہ کسی اور ٹیم میں جانا میرے لیے مشکل ہوگا۔انہوں نے کہا کہ حسن علی اور شاداب کو اس بات کا بہت اچھے سے علم ہے اس لیے وہ یہ کہتے رہتے ہیں کہ حارث کا آنا اب مشکل ہے۔فاسٹ بولر نے روٹی گینگ میں سب سے زیادہ کھانے والے کرکٹر کے حوالے سے سوال کا جواب دیتے ہوئے کہا کہ اب چونکہ یہ روٹی گینگ ہے تو سب ہی اس میں ایک برابر ہیں جس کا جتنا دل ہوتا ہے کھاتا ہے، کوئی روک ٹوک نہیں ہوتی۔