لاہور( این این آئی)پان منڈی میں دھماکے اور اس کے بعد آگ لگنے سے 6موٹر سائیکل تباہ ہو گئیں ۔ تفصیلات کے مطابق پا ن منڈی میں دھماکے کے بعد آگ لگ گئی جس سے وہاں کھڑی چھ موٹر سائیکلیں بھی اس کی زد میں آئیں ۔

دوسر ی جانب پان منڈی میں دھماکے کے بعد معروف تجارتی مرکز انار کلی کے ایک حصے میں کاروبار بند کر دیا گیا تاہم خریداری کیلئے آنے والے گھروں کو واپس روانہ ہوگئے ، پولیس نے کئی راستے رکاوٹیں کھڑی کر کے بند کر دئیے ۔تفصیلات کے مطابق پان منڈی میں دھماکے کے بعد معروف تجارتی مرکز انار کلی کے ایک حصے میں کاروبار بند کر دیا گیا اور دکاندار اور عملہ گھروں کو چلا گیا تاہم اکثریتی کاروبار کھلا رہا ۔ دھماکے کے بعد انار کلی میں خریداری کے لئے آنے والے شہری خوف و ہراس کی وجہ سے بغیر خریداری کئے گھروںکو واپس روانہ ہو گئے ۔ پولیس کی طرف سے انار کلی کی طرف آنے والے راستوں کو رکاوٹیں کھڑی کر کے بند کر دیا گیا ۔