میلبورن(این این آئی)آسٹریلوی لیگ بگ بیش میں شرکت کرنے والے قومی کرکٹ ٹیم کے کھلاڑی شاداب خان کی گراؤنڈ میں نماز پڑھتے تصویر سوشل میڈیا پر وائرل ہوگئی ۔
بی بی ایل میں گزشتہ روز کھیلے گئے سڈنی سکسرز اور رینی گیڈ کے میچ کے دوران شاداب خان نے گراؤنڈ میں ہی نماز پڑھی۔سوشل میڈیا پر شاداب خان کی تصویر تیزی سے وائرل ہوگئی ، خیال رہے کہ بی بی ایل میں سڈنی سکسرز کی نمائندگی کرنے والے شاداب خان لیگ ادھوری چھوڑ کر وطن واپس پہنچ رہے ہیں۔انہوں نے کہا کہ میں سڈنی سکسرز کا شکر گزار ہوں جنہوں نے مجھے یہاں کھیلنے کا موقع فراہم کیا، آپ لوگوں کے ساتھ کھیل کر بہت اچھا لگا، اب میں اپنے وطن جارہا ہوں۔شاداب خان نے اپنی ٹیم کے لیے نیک خواہشات کا اظہار کرتے ہوئے کہا کہ مجھے امید ہے ا?پ لوگ ٹونارمنٹ میں اچھے کھیل کا مظاہرہ کریں گے۔انہوںنے کہاکہ میری تمنا ہے کہ سڈنی سکسرز ٹورنامنٹ جیت جائے۔
