اسلام آباد (آن لائن )قومی احتساب بیورو (نیب) کے نئے چیئرمین کی تقرری کے لئے حکومت اور اپوزیشن نے ناموں پر غور شروع کردیا ہے، اپوزیشن نے چار جبکہ حکومت نے تین نام تجویز کردئیے ہیں۔ذرائع کے مطابق اپوزیشن کی اسٹیئرنگ کمیٹی کو 4 نام موصول ہوئے ہیں، جمعیت علمائ اسلام (جے یو آئی) نے جسٹس ریٹائرڈ دوست محمد خان کا نام تجویز کیا۔مسلم لیگ (ن) نے ناصر محمود کھوسہ اور سلمان صدیق کے نام تجویز کردیے جبکہ پاکستان پیپلز پارٹی (پی پی پی) کی
جانب سے سابق سفارتکار جلیل عباس جیلانی کا نام دیا گیا۔اپوزیشن کی اسٹیئرنگ کمیٹی چاروں ناموں میں سے ایک نام تجویز کرکے اپوزیشن لیڈر شہباز شریف کو بھیجے گی اور وہ یہ نام حکومت کو بھجوادیں گے۔دوسری طرف حکومت نے بھی نئیچیئرمین نیب کے لیے تین نام تجویز کردئیے۔حکومت کی جانب سے سیکریٹری داخلہ یوسف نسیم کھوکھر، سیکریٹری مذہبی امور اعجاز جعفر اور سابق ڈی جی ایف ا?ئی اے عملیش چوہدری کے نام چیئرمین نیب کے لئے تجویز کیے گئے ہیں۔
