شیخوپورہ (آن لائن)مسلم لیگ (ن) کے مرکزی رہنما رانا تنویر حسین نے کہا ہے کہ نواز شریف کا دل پاکستانیوں کے ساتھ دھڑکتا ہے وہ جلد پاکستان آنا چاہتے ہیں ، اسٹیبلشمنٹ کے ساتھ ڈیل کے بے بنیاد شوشے چھوڑے جا رہے ہیں نواز شریف محب وطن پاکستانی ہیں انکا دل پاکستانیوں کے ساتھ دھڑکتا ہے اور وہ دو سے تین ماہ تک پاکستان واپس آ سکتے ہیں انکی واپسی کے خوف سے
حکومتی وزرائ بوکھلاہٹ کا شکار ہوکر نواز شریف کو کبھی اڈیالہ کبھی کوٹ لکھپت جیل میں بھیجنے کی بیانات دے رہے ہیں مگر اب جیل جانے کی باری عمران خان اور انکے وزرا کی ہے ، ان خیالات کا اظہار انہوں نے وائس چیئر مین ضلع کونسل جہانزیب خان کی رہا ئشگاہ پر امیدوار پی پی 139 حاجی طارق محمود ڈوگر اور میڈیا کو آرڈینیٹر ندیم گورایہ کے ہمراہ میڈیا سے گفتگو کرتے ہو ئے کیا،انہوں نے اسٹیبلشمنٹ کے ساتھ ڈیل کو افواہیں قرار دیتے ہوئے کہا کہ ن لیگ اگر ڈیل کرتی تو جلا وطنی اور جیلوں میں نہ جانا پڑتا ، پیپلز پارٹی پنجاب میں عدم اعتماد لانا چاہتی ہے جسکا ابھی ن لیگ یا پی ڈی ایم اے میں کوئی فیصلہ نہیں ہوا چیرمین پبلک اکاؤنٹس کمیٹی رانا تنویر حسین نے کہا کہ لانگ مارچ اور نواز شریف کے پاکستان آنے سے قبل ہی حکومت ختم ہو جا ئیگی دریں اثنا چیئر مین پبلک اکا ؤنٹس کمیٹی رانا تنویر حسین حاجی افضل ورک کے گھر بھی گئے اور ان سے ان کی اہلیہ کی وفات تعزیت کی مرحومہ کی روح کے ایصال ثواب کے لئے فاتحہ خوانی اور پسماندگان کے لئے صبر جمیل کی دعا کی۔
