مقبوضہ بیت المقدس (این این آئی )اسرائیلی وزیر خارجہ یائر لپیڈ نے کہا ہے کہ اسرائیل اور متحدہ عرب امارات کے درمیان تجارتی تبادلے کا حجم ایک ارب ڈالر سے تجاوز
کر گیا ہے۔غیرملکی خبررسا ںادارے کے مطابق انہوں نے نشاندہی کی کہ اقتصادی تعاون کو بڑھانے کا اگلا قدم چھوٹی اور درمیانی ٹیکنالوجی کمپنیوں کی سطح پر باہمی سرمایہ کاری کو بڑھانے کے لیے طریقہ کار تلاش کرنا ہے۔لاپڈ نے مزید کہا کہ دونوں ممالک کے درمیان آزاد تجارتی زون کے قیام کے لیے بات چیت جاری ہے۔انہوں نے نشاندہی کی کہ ٹیکنالوجی کمپنیوں کی سطح پر باہمی سرمایہ کاری کو بڑھانے کے لیے متحدہ عرب امارات کے ساتھ بات چیت جاری ہے۔ لیپڈ نے کہا کہ اسرائیل اور متحدہ عرب امارات مشرق وسطی میں ایک نئے اتحاد میں حصہ لے رہے ہیں جو ایران اور اس کے اتحادیوں کی قیادت میں انتہا پسندی کے خلاف کھڑا ہے۔
