اسلام آباد(این این آئی)الیکشن کمیشن ممبران کی تقرری کا معاملہ ،اپوزیشن اور حکومت کے درمیان معاملات طے پا گئے ۔ ذرائع کے مطابق وفاقی وزیر منصوبہ بندی اسد عمر نے لیگی رہنما خواجہ سعد رفیق سے ملاقات کی دونوں رہنماوں میں ملاقات پارلیمنٹ ہاوس میں ہوئی ،دونوں رہنماکے درمیان پنجاب اور کے پی کے میں الیکشن کمیشن ممبران کی تقرری پر پیش رفت ہوئی ۔ ذرائع کے مطابق دونوں رہنمائوں میں ممبران کی تقرری پر معاملات طے پاگئے، کوٹہ سسٹم کی بجائے غیر جانبدار ممبران سامنے لانے پر اتفاق کیا گیا ۔ ذرائع کے مطابق تجویز کردہ ناموں پر مزید مشاورت کرنے پر بھی اتفاق کیا گیا ۔ دونوں رہنمائوں نے اتفاق کیا کہ ایسے نام سامنے لائے جائیں جو غیر جانبدار ہوں۔

موضوعات:اپوزیشن اور حکومت