بہاولنگر(این این آئی) بہاولنگر میں شادی شدہ خاتون کو اغوا کے بعد مبینہ زیادتی کا نشانہ بناڈالا ، ساتھی نگرانی کرتے رہے ، ایف آئی آر درج کرلی گئی ۔بہاولنگر کے نواحی علاقے میں شادی شدہ خاتون کو اغوا کے بعد مبینہ زیادتی کا نشانہ بنادیا گیا، پولیس کے مطابق ایک ملزم نے خاتون سے زیادتی کی اور دو مسلح ساتھی نگرانی کرتے رہے۔ذرائع کے مطابق متاثرہ
خاتون کی رپورٹ پر تھانہ مدرسہ میں ایف آئی آر درج کرلی گئی ہے اور خاتون کو طبی معائنے کیلئے ہسپتال منتقل کردیا گیا۔پولیس کے مطابق ملزمان کی گرفتاری کے لیے چھاپے مارے جارہے ہیں۔واضح رہے کہ گزشتہ ماہ پنجاب کے ضلع اوکاڑہ کے محلے احمد شاہ میں دو مسلح افراد نے ڈکیتی مزاحمت پر اہل خانہ کو تشدد اور شادی شدہ خاتون کو اجتماعی زیادتی کا نشانہ بنایا تھا۔
