مسقط(این این آئی)ملتان سے جدہ جانے والی قومی ایئرلائن(پی آئی اے) کی پرواز میں اچانک فنی خرابی کے بعد طیارے کی مسقط میں ہنگامی لینڈنگ کرائی گئی۔ذرائع کے مطابق طیارے میں اڑان بھرنے کے کچھ دیر بعد فنی خرابی ہوئی، بوئنگ777طیارے کے کارگوگیٹ کے وارننگ الارم بجنا شروع ہوئے تو کپتان نے فوراً مسقط ایئرپورٹ کے ایئر ٹریفک کنٹرولر سے رابطہ کیا اور ہنگامی

لینڈنگ کی اجازت طلب کی، اجازت ملنے پر طیارے کو مسقط ایئرپورٹ پر اتار لیا گیا۔ذرائع نے بتایا کہ مسقط ایئرپورٹ پر کارگو گیٹ پر ایرر آنے سے الارم بجنا شروع ہوئے تھے۔قومی ایئرلائن کے ترجمان کا کہنا ہے کہ 7ٹن کے قریب کارگو اور مسافروں کا سامان آف لوڈ کردیا گیا،پائلٹ نے طیارے کو حفاظتی اقدامات کے تحت مسقط ایئرپورٹ اتارا۔ترجمان نے کہا کہ جانچ اور کلیئرنس کے بعد پرواز کو جدہ روانہ کیا گیا ۔

موضوعات:مسقط