لاہور( این این آئی)تعلیمی بورڈز کے امتحانات کے دوران امیدواروں کے لئے کورونا ویکسی نیشن کرانا لازمی قرار دے دیا گیا،کورونا ویکسی نیشن نہ کرانے والے طلبا ء کو بورڈ امتحانات میں بیٹھنے کی اجازت نہیں ہوگی۔تفصیلات کے مطابق کورونا وائرس کی نئی لہر کے وار سے بچا ئوکے لئے طلباء کے لئے ویکسی نیشن کرانالازمی قرار دیا گیا ہے،تعلیمی بورڈز کی جانب سے فیصلہ کیاگیا کہ
کورونا ویکسی نیشن نہ کرانے والے طلبا ء کو بورڈ امتحانات میں بیٹھنے کی اجازت نہیں ہوگی۔ نہم ،دہم اور انٹر کا امتحان دینے کے لئے ویکسی نیشن کرانا لازمی ہوگا۔ویکسی نیشن کا ثبوت نہ ہونے پر طلبا ء کو امتحانی سنٹر میں داخلے کی اجازت نہیں ہوگی،امتحان دینے کے لئے طلبا ء کے لئے ویکسی نیشن سرٹیفکیٹ ہمراہ لانا لازمی ہوگا۔میٹرک اور انٹر کے امتحانات آئندہ سال مئی جون 2022 میں منعقد ہوں گے۔
