پشاور(صباح نیوز) بلدیاتی انتخابات میں شکست کے بعد تحریک انصاف متحرک ہوگئی ہے، وزیر اعلی خیبر پختونخوامحمود خان نے بلدیاتی انتخابات میں پی ٹی آئی کی شکست پر تحقیقات کرانے کا فیصلہ کیا ہے۔ ذرائع کا کہنا ہے کہ بلدیاتی انتخابات میں پی ٹی آئی کی شکست کی وجوہات کی تحقیقات کرائی جائیں گی، پارٹی ڈسپلن کی خلاف ورزی کرنے والوں کیخلاف کارروائی کی جائیگی، اس سلسلے میں وزیراعلی محمود خان جلد وزیر اعظم عمران خان سے ملاقات کرینگے۔ بلدیاتی انتخابات میں پی ٹی آئی صوبے میں مئیر شپ کی ایک نشست بھی نہیں جیت سکی ہے۔

موضوعات:بلدیاتی الیکشن