اسلام آباد(آن لائن) پی ڈی ایم کے سربراہ مولانا فضل الرحمن نے کہا ہے کہ سیالکوٹ جیسے واقعات کی غیر مشروط مذمت کرتے ہیں،سوال یہ ہے کہ ایسے واقعات کو روکے گا ۔ پی ڈی ایم کے اجلاس سے قبل میڈیا سے گفتگو کرتے ہوے انہوں نے کہا سیالکوٹ جیسے واقعات کی غیر مشروط مذمت کرتے ہیں۔ سوال یہ ہے کہ ایسے واقعات کو روکے گا کون ۔ ریاست آئین اور قانون کو حرکت میں آنا پڑیگا۔ میری اپنی حکومت بھی ہوتی تو یہی کہتا کہ کوتاہی ہوئی ہے۔ انہوں نے کہا کہ مذہب کے حوالے سے کوئی واقعہ ہو تو اسکو بہت ہائی لائٹ کیا جاتا ہے۔ ایسے واقعات کو روکنے کیلئے قومی سوچ کو سامنے لانا ہوگا۔ انہوں نے کہا کہ بندوق کے ذریعے کسی نظریے کی بات کرنیکی شروع سے مخالفت کر رہے ہیں۔ ہم آئین قانون اور جمہوریت کی صف میں کھڑے ہیں۔